Paul Rudolf Uhl
FREMDWÖRTER
So a Bekannte mecht ojwei
uns zoagn, dass se gebildet is.
Und drum benutzt se ständig fei
vuj Fremdwörta. – A Schmarrn is gwieß…
Lateinisch, griechisch gfojt ihr so:
Se sogt zmeist Domizil, wann se
de Wohnung moant – ja, und Anno
sogt se zun Joahr. Oh, jemine…
Nennt kontraktil, was se vakürzt,
Annalen hoaßt Begebenheit…
Sie hat ja jedn Satz fast gwürzt
mit Fremdwörtan. - Mia duad se leid!
De Dog, do woar se ganz am End:
Den Kuachn vo da Muadda hat
se iatzat goar „Plazenta“ gnennt!
Do woarn mia aba wirkli platt!
P.U. 22.03.18
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 26.03.2018.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)