A Hund issa scho !

I kenn so an Hundling,

der bejt ned Wau-Wau -

geht stojz auf zwoa Haxn,

und is scho a Schau:

Er is ganz schee tapfa

und fürcht si vor nix,

a Kreiz wia ra Stier glei,

mei – sapperdibix !

Er kennt si guad aus und

hejft jedn recht gern -

ja, und aa sei outfit

is supermodern !

Ja - handwerkli issa

scho ziemli guad drauf

und aa bei de Damen

do hebt er d Ehr auf…

Und weil er recht fesch is

und ojsse guad ko,

do sogt ma Respekt voj:

„A Hund issa scho !“

P.U. 31.05.18