SOMMAHITZ'

Sommahitz is des Joahr wieda,

ja – und wieda jamman d Leit;

weit im Land und auf und nieda,

dass eah d Luft zun Schnaufa feit…

Aa da Kreislauf waar im Kella

und da Schwindl goar ned weit,

schwitzn muaß ma glei und schneja:

Üba dreißg Grod wieda, heit!

Freibad? – Naa, is z wenig Schattn…

Drunt im Kella, do waar s gscheit:

Miaßt ma ned so schnej ermattn;

hockn mit Gelassnheit…

Weil: do liegt ja aa dei Saufzeig,

kojt und aa glei trinkbereit…

Tua s oafach, ja, und sei ned feig -

beste Lösung weit und breit!

No an hoaßn Tipp kunnt i gebm:

Nutz ganz lang de Öffnungszeit

drin, im Kaufhaus – do konnst lebm,

shoppn, wann s da des daleidt…*

*du es dir leisten kannst                             P.U. 30.07.18