Der Goethe hat Geburtstag

zu Goethes Geburtstag (28.08.1749):

Da Goethe hat Geburtsdog heit!

Zwoa hundat neina sechzigJoahr…

So ojd waar er! – Es duad ma leid,

Beinah hätt i s vagessn goar!

I hob nan scho ojs Bua zitiert

(wissts scho: an Götz vo Berliching‘)…

Aus mir - dass moj a Dichta wird,

hob i ned gwisst - gmoant, i waar z gring…

Studiert hat er – woar a Jurist,

ned bloß Gedichtal gschriebm und so:

Vom Mythos hat er recht vej gwißt…

Und seine Briafal erst – Ohoh!

De Dramen find i einfach guad!

Des konn i ned – des is mia z schwer…

Mit Dramen hob i nix am Huat:

Do ghert oafach da Goethe her!

Er is vej groast – genau wia mia…

Ins Land, wo de Zitrona blüahn.

Ja, bloß: Auf Island war er nia!

Warum? Des geht mia ned ins Hirn.

P.U. 28.08.17