ARBEITSALLTAG

… damals, noch vor 14 Jahren…

Aufgwacht, gähnt und nomoj gstreckt,

Frühstück gmacht und d Frau aufgweckt,

schnej no gwaschn, Gsicht und Händ,

und rasiert- gschniedn* no am End. (*geschnitten)

Bluadt, min Alaunstift dann no

`s Bluatn bremst (des brennt ja so!)

Bin scho spaat dro, Sakradie -

und pressiert hat s wia no nie…

`s Auto – Mistzeig – springt ned o -

wieda moj z spät im Büro…

Vier Stund gschriebm, telefoniert –

eigentli waar i no miad!

Bin dann in Kantine nei -

hob koa Gejd – wia konn des sei?

A Kollege! Den i frog,

ob er n Zehna leihn mia mog…?

Zeit dazua is fast ned bliebm,

weil des Telefon oft schejt* -

gfluacht hob i auf de ganz Wejt!

Feiaobmd, iazt foahr i hoam,

Hunga hob i fast no koan…

Schnej an Hund no Gassi gfüahrt,

Fernseher heit ned ogrüahrt,

mog koan Krimi nimma sehgn:

Mord und Bluat – ja grod deswegn

bin um Neine i ins Bett…

Wach um Drei - des find i bled!

Aufgstandn, a Versal gschriebm -

mei, wos waar mia sonst denn bliebm?

Fünfe ! – Leg mi wieda hi…

Wecka leit – ja Sakradie –

S is zun Aufsteh wieda scho!

Gähnt und gstreckt a wengal no -

wieda gwaschn, Gsicht und Händ

und rasiert – gschniedn aa am End…

Bin scho spaat dro, Sakradie

und pressiert hats wia no nie…

*schellt Foto Uhlr                P.U. 09.09.18