Paul Rudolf Uhl
SPENDENUNWESEN
Anapaest-Rhythmus: da ratta, da ratta, da ratta, da ra
im „Sammel-und Spenden-Monat“
Sortier iatz de Post übahaupts nimma aus,
i schmeiß oiss glei so in`d Papierkistn nei:
Es flattern grod lauta so Bettlbrief rei
Advent wann`s hoaßt, schickans so Zeig grod ins Haus…
Im Fernsehn und Radio, do is´s des gleich´
De moana doch olle, i waar Millionär…
I dua mi doch mit meina Rentn scho schwer
und kriag aa koa Weihnachtsgejd mehr – bin ned reich!
Ja, irgndwo is auf da Wejt doch oiwej
a Erdbe(b)m, Tsunami, a brochana Damm,
vielleicht aa a Kriag und sie haun do oissd zamm…
Iatz schau i mi um - noch `ram Gejdscheißa* glei !
Doch frog i mi, ob ma so jamman iatz derf:
Uns Deitsche, uns geht`s ja oiwei no recht guad…
Und so a Gemecker, des reizt mi auf`s Bluat…
Ja – aba des Bettln geht scho auf`n Nerv !
P.U. 28.11.10
* Dukatenesel
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 07.10.2018.
- Infos zum Urheberrecht / Haftungsausschluss (Disclaimer).