Paul Rudolf Uhl
Zeitumstellung
De Uhrn san wieda hintre gstejt –
i bin um hojbe sechse wach!
Draußt hat s no lang ned auf si ghellt
und trotzdem fühl i mi ned schwach.
Hojb siebne is fast finsta no -
(auf d Nacht is des as gleiche Gspuj)…
A ganze Stund bin auf i scho,
hob irgndwie a ganz blöds Gfuhj.
Bevor im Bett i bleib – ja, mei -
und wart, bis endli Dog iazt werd,
hob i des Versal gschriebm ganz schnej,
zun Frühstück meina Frau vaehrt.
Am Obmd aba, do bin i miad
und mecht hojb zehne scho ins Bett…
Dass d Zeitumstellung aufgebm wird,
des find i höchste Zeit – und nett!
P.U. 31.10.
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 31.10.2018.
- Infos zum Urheberrecht / Haftungsausschluss (Disclaimer).