Paul Rudolf Uhl
MORGENDLICHER VERKEHR
Zmeist foahr i mit mein eigna Wogn
in d Arwat – und i muaß eich sogn,
wann Ferien sand, is koa Problem,
do geht des schnej und aa bequem.
An Schujdog aba – mei – is gfeit -
san d Straßn zua, aba scho gscheit.
Do kimmst ned weida, ojss voj Stau!
Drum sog i iazt zu meina Frau:
Ab morgn probier i s mit n Bus,
dann hob im Stau i koan Vadruß...
Im Omnibus aba is fei
oft grammet voj – do kimmst kaum nei!
An Sitzplotz findst nadierli ned..
Konnst schnaufa kaum – a so a Gfrett!
Iazt müasst i ausse – aba wia?
I druck und schiab und geh in d Knia,
doch vor mir steht a dicka Mo,
so dass i goar ned aussteign ko...
„Geh danne – wia, steh um a weng!“
„Konn aa ned – is ja ojss so eng...“
No zwoa Stationa geht do nix,
bin vuj z weit mitgfahrn scho - zefix!
Und erst am Schujhaus konn i raus...
Des Busfahrn hojt ja koana aus...
Dass i do drauf erst kemma muaß...
I hobs: – I geh iazt oafach z Fuaß!
Des kost mi nix und is aa gsund
und s Übagwicht is bojd herunt...
Und schaugn mi d Leit vawundat o,
sog i ganz cool: „Wer ko, der ko“!
P.U. 01.06.03
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 04.12.2018.
- Infos zum Urheberrecht / Haftungsausschluss (Disclaimer).