A Einsam´s Herz

Angeregt durch den Song Everybody‘s Got A Lonely

Heart (R. Whittaker)

Fast jeda hat a einsams Herz und

jeda sehnt nach Liab si do(ch),

nach Harmonie, an klona Scherz,

nach Friedn und Vatrauen no…

A jeda braucht an Menschn, dem

er seine Sorgn vazähjn moj ko,

der zuaheart, is aa unbequem…

An sojchn braucht ma sowieso!

Oan, wo ma hi sich loana ko,

Umarmung, ja Berührung hojt,

ganz wurscht iazt, ob s a Frau, a Mo,

oan, dem ma aa Intims vazohjt…

A echte Liab is s beste wohj

an Mo für d Frau - a Frau fürn Mo,

de ma vielleicht aa heira(t)n soj,

und dann so oa - zwoa Kinda no…

Ansonstn brauchst an guadn Freind,

ned bloß an Stammtischkumpl. - So

oan, der mitlacht und aa mitgreint,

auf den ma si valassn ko!

P-U. 03.12.18                    Bild: free clipart