UFO oder hl. GEIST?

Vo Schärding, drentahojb vom Inn –

schaugt d Stadtpfarrkirch do zu uns rum…

Auf oamoj, i trau kaum mein Sinn –

wos i do sehg – a Unikum!

Schwebt drüba goar da heilig‘ Geist?

Drum hob i knipst, so vuj i ko -

Wos des is - hob i ned dakneist!

Geheimnisvoj is s sowieso!

Iazt sei s wia s is – auf jedn Foj –

des hat bestimmt koa Mensch no gsehgn…

A Wunda? – Ob i s mejdn soj,

bein Papst? – I übaleg no weng…

P.U. 14.12.18

Lösung: Im Fenster eines Gasthauses spiegelt sich dessen Deckenleuchte!