Paul Rudolf Uhl
WEISSE WEIHNACHT?
Im Radio, do ham s heit gsogt,
ja - weiße Weihnacht gibts bestimmt !
Hat oana dann aa noche gfrogt,
woher denn iazt de Nachricht kimmt!?
„Ganz sicha waar des“ - hat ma gheart…
Es schneibt ja oba scho, wos geht -
do drobm in Finnland. - Des is gschead…
Bei uns herunt – vo Schnee koa Red !
Zwar auf da Zugspitz liegt da Schnee
oan Meta zwanzge ungefähr…
Am großn Arber – des is schee -
do geh’n vierzg Zantimeta her…
Bloß Talobfoahrtn gengan ned.
Drobm rumrutschn, des geht grod so…
De Erderwärmung find i bled !
Und des werd ojwei schlimma no…
P.U. 19.12.18
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 21.12.2018.
- Infos zum Urheberrecht / Haftungsausschluss (Disclaimer).