Paul Rudolf Uhl
AUFGSCHOBM
Do stimmt wos ned – es duad ma leid,
mim Backnzahn do untn links…
Der wacklt scho a ganze Zeit
und s Zahnfleisch bluatd aa, alladings!
Naa – weh duad s ned, sunst waar i ja
zun Zahnarzt glei ojs Schmerzpatient.
Feig bin i gwieß ned – Hoppala ! –
Ned, dass iazt wer glei sowos denkt !
Wer woaß, wos des dann wieda kost
und ob s mei Kranknkasse zohjt?
Falls ned, so sogt mei Wei zun Trost,
do miaßt i s obstottan dann hojt…
An Stundungsantrag? – Mei, de Schand !
Zwar hob i scho a weng wos gspoart,
Doch so vuj is no ned beinand…
Des fojad mia ja wirkli hoart,
weil mia damit a Roas doa mögn…
Jatzt schaugn ma moj – geh no ned hi-
min Zahnarzt wart i no a weng…
bis wirkli weh duad… - Sakradie…
Bild: free clipart P.U. 04.01.19
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 04.01.2019.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)