Paul Rudolf Uhl
SCHNEECHAOS
Privatmeinung:
In Südbayern und Österreich
is scheinboar ja da Teife los.
Vuj Schnee is do, so wia ma heart,
drin, im Gebirg is aba bloß…
Konn sei, dass ma in manches Toj*
ned eine und ned aussa kimmt…
Ned, weil de Straß so zuagschniebm is,
naa – weil Lawina ma onimmt !
Gsperrt is wega da Sichaheit !
Durchkemma daad ma scho – ja, mei…
Lawina sprenga is ned leicht:
Es werd hojt zuagängli ned sei…
Und denk i zruck an Januar
im Joahr 06 - woar s wirkli schlimm:
San Dächa eibrocha sogoar,
sodass in Panik i ned kimm…
De Medien, de bauschn s auf,
weil – Sensationa brauchn de…
A gscheida Winta – so moan i,
aa, wann s vuj Schnee hot, issa schee!
*Tal Foto: News5, PNP P.U. 09.01.19
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 09.01.2019.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)