Mei Fitness-Programm

Bewegung muaß da Mensch gwieß ham,

dass er ned eirost – des waar schlecht…

Drum: Wojdlauf waar scho guad – moanst ned?

A jeda Dokta gibt mia Recht !

Doch draußt is s kojt, es schneibt. – Da Wind

blost streng – do geht doch koana naus !

Bewegung aba braucht da Mensch…

OK, dann bleib i hojt im Haus !

Des hat 4 Stockwerk, n Kella no,

mit sechzehn Stufn pro Etasch !

Achtzg Stufn geh i auf und o(b) –

des strengt fei o ! – Mi leckst am A…

De Tour mach fünf Moj i je(d)n Dog:

Vierhundat - des hojts d fast ned aus,

do kimmst ins Schnaufa – wann i s sog !

Mei Fitness-Tour: – As Treppnhaus !

Der Wohnblock hojt mi wirkli gsund,

do rost mei Foahrgstej nia ned zamm.

So geht s ma guad. – Des is da Grund…

Ma muaß ja bloß Ideean ham !

P.U. 06.01.19                     Bild   free clipart