Fang das Licht

Inspiriert von Karel Gott und Darinka`s Lied (Übersetzung)

„Fang das Licht an einem Tag voll Sonnenschein…“

An so an Sunnadog, do sojst

as Liacht eifanga und

s ins Herz eischliaßn, weil - des brauchst,

wann s d traurig bist, ojs Grund:

Dass d ned vagisst, dass ja de Sonn

no scheint doch, irgndwo…

Aa n Sternaschein, de hojt guad fest,

aa den brauchst sowieso:

Den schliaß dann ei in deine Draam!

Wann s in dia finsta is –

i woaß ja guad, des glaubt ma kaam -

leichtn de Stern ganz gwieß…

Des Liacht, des nimm ins Herz dia auf,

und glaub, wos i dia sog:

Am Dog, wo d Hoffnung di valasst,

und wann s koa Wunda gibt,

denk dro, das ebba di doch mog,

a Mensch, der grod di li(a)bt!

P.U. 24.01.19