Paul Rudolf Uhl
Z AMERIKA
In Arizona gibt s an Friedhof
für Flugzeig – und ganz vuj stehn rum.
BE zwoarafuchzig-Bomber san des !
Hob übalegt, wia hi i kumm…
I daad se glei fotografiern – doch
sans obgstejt in da Wüstn drin…
Und bloß weng Fotos dohi roasn,
hat eingli – moan i - goar koan Sinn
Den Aufwand mecht i doch ned treibm und
de Hitz, de daad mia goar ned guad…
Weil d Einreiseb‘stimmunga streng sand
und d Frogarei bringt mi in Wuat…
Do brauchst an internationalen,
an bsondan Führaschein ! – Oh, mei !
Mein Reisepass miaßt i valängan;
A Visum brauchst! – Des lass i sei !
Aa den Herrn Trump konn i ned leidn…
Dass so a Depp des Land regiert?
A Mauer an de südlich Seitn
mecht bau’n er. - Hoff, dass des nix wird !
P.U. 15.02.19 Bild: Readers Digest
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 15.02.2019.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)