ASCHERMITTWOCH bei Schlaraffen

Aschamittwoch in Scardinga*:

Burgfraunsippung, Heringsschmaus!

Essn gibt’s und wos zun Dringa…

Heit is wieda volles Haus…

Spannlangsaal is oft grod hojbat

bsetzt. – Des sojtad ned so sei,

weil in d Scherenburg, do gehnga

guad und gern sechzg Leitl nei…

Und de Burgfraun mei, de schmückn

heit den Saal – do leucht s fast drin.

Ritter, Junker, Knappn bückn

tiaf si – Handkuss ham s im Sinn.

Dunkla Anzug, an Gehst hitre,

hob i aa gsehgn – is ned glogn…

Ja und Trachtn ham oa aa o -

feschtli samma heit ozogn!

Und – werst sehgn, des werd a Gaudi -

Musi werd n ma gwieß gnua hearn,

scheene Versal aa dazua no.

Super-Sippung – meine Herrn!

P.U. 06.03.19                     *inSchärding, OÖ