das Portait

Am Sacre Coeur, do in Paris –

es is – moan i - scho fuchzg Johr her

(i woaß des nimma ganz präzis –

des noch zun rechna fojt ma schwer)…

Glei nebn der Kirch‘ der scheena, san

de Maler gwen…- Gibt s de denn no?

De woarn so frei und redn mi an,

ob s d a Porträt ham mechst – hallo!

„Wos kost s denn?“ Hob i noche gfrogt -

ma muaß ja vorsichti scho sei…

„Zwang Mark, für di!“ Hat oana gsogt*…

OK - des geht, do schlog i ei!

Hob zehn Minutn gsessn no

und as Ergebnis hat mia gfojn!

Wos woar i für a fescha Mo!

I hätt hojt ojwei jung bleibm sojn!

I lass mi wieda mojn, gepflegt –

ob ma an Untaschied dann sehgt?

*natürlich hat er es in France formuliert      P.U. 18.04.19