Paul Rudolf Uhl
Mia san ned alloa
I moan – i glaab – i woaß ganz gwieß,
dass „Mensch“ wohj ned alloa do is,
im Wejtraum, weil – des konn ned sei:
do draußt gibt’s gscheide Leit, ja mei…
De Pyramidn ham bestimmt
ned de Ägypter baut, des nimmt
mi wunder – naa, des glaab i ned,
vo Aliens is manchmoj d Red!
Und de Skulpturn auf Rapa Nui*
ham koane Menschn gmacht – mei Gfuhj
sogt mia de ganz Zeit, des woar wer -
vo „draußt“, - Plejaden kemman s her…
Doch koana woaß, wia s wirkli is -
mia Menschn wissen hojt nix gwieß…
BAYRISCHE MUNDART
*Osterinsel P.U. 29.04.19 Bild wikipedia
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.05.2019.
- Infos zum Urheberrecht / Haftungsausschluss (Disclaimer).