d Lärchn bliahn!

Im Friahjoahr bliahn ned grod de Bleame -

naa, naa - es bliahn ja aa de Baam…

De Lärchn ham so scheene Bliatn,

vuj scheenare, de sehgt ma kaam.*

De Lärchn is eingli a Laubbaam,

drum - andast ojs wia Tanna und

de Fichtn - färbt se gejb und wirft aa

de „Nodln“ ob. – Aus wejchm Grund?

De Nodln ham koa Wachsschicht, deswegn

daadn s** vadunstn aa im Winta.

Und weil da Bodn gfrorn ja is -

vadurstn – kimmst iazt aa dahinta?

Im Hirgst, do moanst, de Baam de brenna,

so leichtn s aus m Wojd ja raus !

Des is da Grund - genau drum geh i

so gern dann in den Bergwojd naus…

*kaum **täten, würden sie     P.U. 11.05.19