Passauer Literaturnacht

Am siebzehntn Mai hoaßts, dass d Wejt untageht…

I denk do wia Du und i find den Spruch bled.

Im Gegnteil moan i – do woar echt wos los:

Do, z Passau woar d Literatur wirkli groß…

Dreiflüsseschreiber – ja, de woarn do dabei,

ham Versal vortrogn so mit Musi – ja mei –

Und in da Europa, da scheen Büacharei

da Hirschl und mehra Poetn no drei…

Im Zeughaus woar Poetry-slam - do lus zua!

De Bernhard-Freind bringan vo eahm aa no gnua

im Cafè Museum. - Und glei do danebm ,

do hat des an Nibelungen-Mythos gebm…

Die Dorsch und da Fischer, da Otti, woarn do

und Krimi und Sex von da Schmidbauer no,

im Leopoldinum: da Pegasus-Kreis

hat glesn - Theater woar aa, grod mit Fleiß.

Do woar aa im Antiquariat wos zun sehgn,

Kultur-Jam woar no, sowos hat s no ned gebm…

Beim Pustet hast lesn umsonst derfn glei,

de Soroptimistn woarn „kirchlich“ dabei.

Es woar a Beweis, dass de Stodt hat Kultur

und dass s Literaten ja aa gibt grod gnua!

P.U. 30.05.19