Paul Rudolf Uhl
kloane Liagn
Inspiriert durch ein freches Lied: „Tell me lies,
tell me sweet little lies“ (Fleetwood Mac):
Dass Liagn schlecht is, des werd ja oft
behaupt - i konn s aba ned glaubm…
I hob ja lang scho ojwej ghofft,
i kunnt dia moj a Bussl „raubm“…
Und heit is endli moj so weit:
Gelegenheit zum „Raub“ is do!
„Die schenste Frau bist - weit und breit,
dass koa Mo widasteh dia ko!
Dei Busn raubt mia an Vastand…
Dei Blick, der schenkt mia a neichs Lebm…
I stej mia vor, du hättst koa Gwand
und daadst dei heiligstes mia gebm!“
I bussl di voj Zärtlichkeit
und wischpad tausend sojche Liagn…
Vielleicht bist dann ja aa bereit
für ganz a inniges Vagniagn* ?
So kloane Liagn, de sand scho gfrogt
zum Eistimma auf schene Stundn…
Und deswegn hob‘ i se aa gsogt -
Iatzt hob i des Rezept ja gfundn!
*Vergnügen P.U. 29.01.09/7.6.19
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.06.2019.
- Infos zum Urheberrecht / Haftungsausschluss (Disclaimer).