Hojzköpf

Do muaßt iazt ned in Urwojd nei geh,

aa in a Schreinarei wohj ned.

Bein Schnitzer konnst ganz gwieß oa finden

und aa wann wo so Zeigs rumsteht,

ojs wia im Toni drin sein Goartn…

De Hojzköpf* findst in manchm Amt,

und recht lang muaßt an goar ned woartn,

weil manche Nachboarn aa oan hamd,

wo wirkli koa Vanunft ned nei geht.

De sojchan mecht i heit vaspottn…

Doch irgndwia ist des fei scho bled:

De Sturheit is ned aus zun rottn !

*sogoar Betonköpf‘                                      P.U. 12.06.19