Brandröten

Ned ojwei, wann da Himme brennt,

is s Morgn- oda Obmdrot,

so, wia ma s jedn Dog fast kennt…

Wann s brennt, sand oft ja Menschn tot

und Viecha aa, im Stoj*, bestimmt!…

Im Lexikon, da hob i gsuacht,

wia s zua  na Brandrötn denn kimmt?

Hab do nix gfundn und hob gfluacht.

A Brand-Redn is bloß erklärt

und aa de Rötn in ram Gsicht

doch Brandrötn – des find i gschead:

bei Duden und bei Wiki nicht…**

Do hob i gmoant, denk sejba noch:

Wo s brennt, do gibt’s an Qualm ja zletzt;

der is ojs wia a Wojkn doch…

D Sonn wird vom Feia wohj ersetzt… ?

*Stall   **jedoch Rötelmaus und Wanderröte        P.U.  26.06.19