Paul Rudolf Uhl
PATIENT
Angeregt von Eugen Roth (1.Strophe)
A jeda Mensch is moj Patient,
des hob i einwandfrei dakennt…
Wann oana gsund is, dann – ja,mei –
des konn grod no a Unmensch sei!
Patient – des hoaßt, du brauchst Gedujd,
doch tröst di – zmeist is eh ned wujd…
Bei Schnupfn brauchst koan Dokta ned,
weil der vo ganz alloa vageht…
Bei Schädlweh – hear s Saufa auf,
na host an heitan Lebnslauf…
Ansonstn: dua dia sejba sogn,
dass d saugsund bist – brauchst di ned plogn.
Und wanns d as ganz fest glaubm aa duast,
na bist aa gsund – außa, du huast:
Nimm s Hausmittl, des i dia rot:* –
an Zwiefetee, den brauchst do grod…
Es hejft aa moj a hoaßa Grog,
dann schwitzt im Bett – wann i dia s sog!
Und glaub ganz fest dro: Du bist gsund!
Sunst waars d ja aa an oarma Hund!
*rate P.U. 30.06.19
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.07.2019.
- Infos zum Urheberrecht / Haftungsausschluss (Disclaimer).