unser Fünfal

     Naa, de is koa Fuchzgal, Leit – des

     is a Fünfal bloß.- Nix wert?

     Weil des rechts, des is koa Nulla…

     Schaugs gnau hi, des is de Erd!

     D Wejtkugl am Fünfal is do -

     und Europa is zun sehgn!

     Zwöjf Mitglieda - deswegn san no

     aa zwöjf Stern drauf – is ned weng*!

     Koana – moan i - hat vo Eich de

     Münzn oamoj gnau oschaugt.

     Pfundig is, de is scho recht schee,

     weil de Münzarei wos taugt!

     Woaß scho – koana hat de Zeit mehr,

     s Gejd genaua o zun schaugn…

     Dabei gibt des Gejd so vuj her –

     S duad zun Hischaugn aa no taugn!

                                                               P.U.  07.07.19