SOMMERLOCH 3

Im Somma is politisch nix los -

zumindast meistns - muaß i sogn…

Wos is denn desmoj eingli los bloß?

Do kenn ma uns ja ned beklogn!

Normal lest in da Zeitung bloß no

vom Fotoclub, vom Gsangvarein,

vo de Kaninchenzüchta aa scho

und von an Gwinn min Lottoschein.

Vielleicht aa vo de Royals no wos;

Dass do „wos untawegs“ grod is…

Und von ra Tauf‘ berichtn s ganz groß,

doch aa vom Trump, des is ganz gwieß…

Vom Sport steht ja ojwei wos drin,.

Doch iazt bloß von da Leyen no -

und wos hat d A.Kra-Ka im Sinn?

Ja mei, mia werdn s dalebn ja scho…

Koa Sommaloch is mehr zun sehgn,

weil s de Politika wujd treibm…

Do kunnt ma si ja auf scho regn:

Werd uns d Demokratie dann bleibm???

                                                                        P.U.  18.07.19  Bild dpa