Phaeton

Phaethon- altgriechisch „der Strahlende“, ist in der griechischen

Mythologie der Sohn des Kephalos und der Göttin Eos.

Da Phaeton hat si – wann des stimmt –

vom Pappa moj den Sonnawogn

„ausgliechn“ – (moant auf Deitsch: der nimmt

den Wogn oafach – ohne zun frogn)…

Vielleicht grod deswegn geht ojss schiaf:

Er hat des Ding hojt ned beherrscht:

Koan Führaschein, koan Foahrzeigbriaf –

ma braucht si goar ned wundan erscht:

Nadierli is er obgstürzt glei !

Total-Schodn – moan i – woars bestimmt.

Seit i des woaß – i bin so frei,

frog mi, warum den Nama nimmt

ma bei VW fürn scheena Wogn –

des konn ma dort wohj koana sogn*…

*wohl doch: „der Strahlende“                                 P.U.  08.08.19
PP.Rubens: Sturz des Phaeton, geknipst in der National Gallery of Art, Washington D.C.