Paul Rudolf Uhl
HOIWA (Heidelbeeren)
Um de Zeit wern de Hoiwa reif –
nadierli andre Birln scho aa…
Es is koa Wunda, i begreif:
iatzt, im August, do muaß des sa!
De mei* is jedn Dog im Wojd,
do auf de Bayawojdberg drobm…
Des is, wos mia an ihra gfojt -
i miaßad se vej öfta lobm!
Mia essn s zmeist oafach a so –
nadierl gwaschn, is ganz kloar.
Mit Sahne san s vej bessa no
und schmeggan oafach wundaboar!
Poliphenole san do drin,**
wos gega Krebs is und fürs Herz..
Schwarz- oda Blaubeer kimmt in Sinn.
So hoaßn s aa, des is koa Scherz!
*meine Angetraute **Gerbstoffe P.U. 15.08.19
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 25.08.2019.
- Infos zum Urheberrecht / Haftungsausschluss (Disclaimer).