Weihnachtsengel

De Dog, do hab i sejm* mi gfrogt,

ob s denn an Weihnachtsengl geit**.

„Wer woaß denn des?“ hat mei Frau gsogt

(sie woaß des aa ned, duad ihr Leid!)…

Es kunnt scho sei, ma sehgt s ja ned

an jedn o, der oam do gegnt^…

Vielleicht gibt s vuj, so woar no ihr Red,

sie hätt si des scho öfta denkt:

A jeda kunnt a Engl sei,

der andre mit an Gschenk dafreit,

am nettn Gruaß, an Blick dabei,

an liabn Wort voj Herzlichkeit…

Ned grod zur Weihnacht is des wohj.

Sie moant, des gaab s as ganze Joahr –

Warum s an Weihnacht grod sei soj,

is ned zun Eisehgn – wirkli woahr!

Mia sojtn olle Engl sei

und andre Leit mit so wos gfrein

und wirkli ojwei Müah uns gebm -

ned bloß beim Christbaam-Kerzn Schein.

*mich selbst    **Mundart: gibt                 ^begegnet        P.U.  04.12.19