Marlene Remen
ES DENN DAT ZE JLÖWE ?????
Hück Morje dacht ech su bei mir, ech ben em falsche Film.Do stund ene Schneemann für dä Dür, wie komm denn dä do hin ?
De Sunn, die hät doch schön jeschingt, dat kunnt doch jar net sin.
Un doch, et Kerlche, et stund do, ech fröcht em, sach, wo wellst du hin ?
Do fing dat wiesse Männche doch, janz furchbar an zo knatsche.
Dä Petrus hät mech her jescheck, wat sull ech jetz nur mache ?
Ech sacht em, ach, du leeve Kerl, mach dir nur kenn Jedanke.
Denn luur doch ens do dröve hin, dann wetse wieder lache.
Er luurten hin op dä Kalender und lachten sech kapott,
hück es jo dä richtige Dach, do legt mer Lück eren.
April, April, rief Petrus do, dat hann ech jot gemaht,
Schneemännche, kannst noh Huus jetz john, ab nu et Sönnche lach !! Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Marlene Remen).
Der Beitrag wurde von Marlene Remen auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.04.2020.
- Infos zum Urheberrecht / Haftungsausschluss (Disclaimer).