Dor Danneboom

"Das Bäumch'n is e Dräumch'n!",
schwärmte de Muddi un schdärrzde droff zu.
Dor Babba, der drehte Däumch'n
un bewahrte still de Ruh'.

"Nee der, der dort hint'n,
der is ooch nich schlecht!
Ach Babba, was denkst'n,
sinn de Nadeln denn echt?"

"Oder nemmor liebor denn?
Goddel nee, der dudd nadeln!"
De Muddi, die war offgereecht,
se daad schnaddorn un daad babbeln!

"Weeßte was, mir nemm 'ne Kiefor!",
fiel dor Muddi dann noch ein.
"Die is zwar kleener, biddel diefor,
aber in'n Obel bassd'se nein!"

Dor Babba, der feixte 
ganz stille vor sich hin,
denn dor Muddi ze widersprech'n,
hadde ieborhaupt kenn Sinn!