A Summatog

Leg mih nochn schwimma in dSunn

Weil ih ma jo sunst nix vagunn

Und de woarmen Sonnenstroihln

Meina Haut goar so gut gfoilln

Wirds ma dann zhoass

Moch ih zum Pool wieda a Roass

Eine ins nosse Kühl

Mei, wia wohl ih mih fühl

Soid oan schlecht geh, wanns kann

Sog ih, genauso wia mei Mann

Mit an Flaschl Bier in da Hand

Stoß ma an, mitanand

So a Pension zu zweit

Is a scheene Zeit

Brauchan ned an Haufn Göd

Solang ma uns ham auf dera Wöd

Jetzt moch ih meine Augn zua

Loss meine Gedankn in Lauf grod gnua

De Sonnenstroihl gebn ma dWärm

Uns gehts guad, kann ned bessa wern.