Regina Wey
Morgegnusch
*****Es isch no früeh, grad churz nach em Verwache,
es Chrüsimüsi dänkt sich schlapp in Tag,
ich sött doch so en huufe Sache mache
und fertig si bim Zwölfigloggeschlag.
Und eigentlich han ich ja welle bache
und putze, au wenn ich das gar nid mag,
au d'Wöschmaschine sött ich überwache
und brüchti no en neui Chuchiwaag.
Doch hüt, a däm so schlafverhangne Morge,
sitz ich so da, sinniere vor mich hi,
mach mir au wäg de Arbet gar kei Sorge,
so, wies grad isch, chönnts gar nid besser si.
Am beschte trink ich grad nomal en Kafi,
d'Gedanke hüpfet doch nur im Quadrat,
ich bin ja pensioniert und weiss, das darfi,
s'git andri Täg, wos au no zwöfli schlaht.
Chrüsimüsi / Gnusch - Durcheinander
bache - backen
nid - nicht
brüchti - bräuchte
darfi - darf ich
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Regina Wey).
Der Beitrag wurde von Regina Wey auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.09.2024.
- Infos zum Urheberrecht / Haftungsausschluss (Disclaimer).
gmx.ch (Spam-Schutz - Bitte eMail-Adresse per Hand eintippen!)