DA JUNGE ZECK

v.KREBL Wolfgang

Mih plogt da Hunga,net zan Sogn,
hob`lang nix ghob`,hiaz knurrt da Mogn
S`Fruahjoah is do,hiaz geht’s lous
wo san die Leit`,wann kemmansn blous.
Ih sitz auf an grean Blattl,bin auf`n Sprung,
hiaz kimmt Oane,is nou dazua jung.

A jungs Bluat,des han ih gern,
do sauf`ih mih an,ih tuah mih nix schern.
Ih spring auf ihrn Hols,sou weiss,sou jung,sou fein
Beiss zua,ih brauchs,es muass hiaza sein.
Douh holt,des Bluat,mir schmeckt net der Soft
schnöll weg,hobs grod nou daschofft.
Meih Muatta hot gsog und mit mia a gschimpft:
IH HAN`S DA JO G`SOG,IH RIACH`S
DES MADL WOA G`IMPFT.