DIE SCHÖPFUNGSGSCHICHT

Am Anfang woa nur Finsternis

koa Liacht,koa Stern

wia sull do drauss a Lebn werdn ?

A Riesnklescha im weitn Oll`

vo`tausend Trümmer OANS

war unsa Erdnboll

Da Herrgott hot sih dann gedocht

ahWossa brauchts zan Lebn

und hot da Wölt die Meere gebn

Er hot hiaz gsog“ Es werde Liacht,

damit mah siacht,wos do sou gschiacht“

und richti, in dem groussn Dumpf hots angheb`

hiaz zan Lebn    und sou noch etli tausnd Joahn

hots ah den Menschn gebn.

Die erschtn zwoa,des is bekannt,

de hobn sih ADAM und EVA gnannt

Sou schen  was gwen im Gortn EDN,

hobn de den Opfl braucht,de Bledn?

Und hättns do nia einibissn,

dann hätts ah Koana aussigschmissn.

Nockat woans hiaz auf da Wölt,

da ADAM sog:“Des hot mah gföhlt,

zan Anziagn nix,oh grosse Not,

gib uns`a Gwandl ,liaba Gott“

Der sog:“Nockat sein,des is koa Schand,

Ihr Zwoa seids jo recht guat banand“

A Feignblattl hot er iahna brocht

und do dazua ah herzli gocht.

Es woa jo eh seih Plan,

doss de Zwoa eppa bold wos tan.

Die EVA sog.-“Do is zvül Liacht,

wos klabst  wenn uns do Oana siacht“

Do hot GOTTVOTA herzli`glocht und

zwengs da Liab die Nocht gleih gmocht

und wal des ah  dazuaghört zu sein Plan,

fang hiaz die Gschicht der Menschheit an.

Die Menschn hobn sih stork vermehrt

 und Völka gründet,wia sih`s ghört.

wal`s ah den Neid hobn kennt,

sou sant`s ah genganda grennt.

Wer Sieger woa hot ghob des Land

und hots noch seina Modi  bnannt.

Da Mensch hot Häuslbaun angfangan

ah Pyramidn,hohe Mauan

und ah den Woaz hobn`s anbaut unsre Bauan

und es is kah Scherz scho`bold hots gebn den erschtn guatn Sterz.

Kriag,da HERRGOTT woah net froh

,woah jo vom Menschn gmocht

hot Millionan vül Unglück brocht.

Da MENSCH hot schreibn glernt und Lesn,

des san die Hyroglyphn gwesn,

Gelehrte hobn Olls niedagschriebn

drum is des ah erholtn bliebn.

Wal da MENSCH net olls alloani mochn wül,

hota erfundn ,des COMPUTAGSPÜL

Da COMPUTA,des woa a Hit,

mit den kummt da MENSCH  net mit

Rechnat und schreib olls in Sekundn,

da MENSCH der brauchat do wuhl etli Stundn.

Erfundn hot mah `n Motor,Pumpn ,Dampfmaschin

den Strom entdeckt,hiaz geht’s dahin.

Atomkroftwerke liefan Strom,

da MENSCH er braucht holt vül zvül davon

brauchts nur an Klescha gebn,was aus mit unsan Lebn

Im Himml tät sih da HERRGOTT frogn

:“Sull ih des Olles noamol wogn?

Meere ,Land, Tiere Jooo!

Ban MENSCHN,Naa--,do woat ih nou!“