Am Sonntag vor da Mess

geht d´ Pichler Annerl beichten.

Da Pforra, zeitlich schon im Stress,

kriagt glei an Zurn an leichten.

„Wos host ma denn zan beichten heut,

fang an und sog mas gschwind.

Weil draussen woarten schon die Leut

auf d´Mess, mei liabes Kind.“

 

„Herr Pfoarra” sogt´s,“ I steh´ nur mehr

vorm Spiagl und schau eini.

I drah mi hin und drah mi her,

mir gfoit des Bild des meini´.

Und trotzdem schaut ka Mann mi an.

I tua scho maln und a schmiern

und a am Sunntag dann und wann

die Zecherl rot lackiern.

 

Es gibt jo boid ka schön`re Dirn

als mi im ganzen Dorf.

Und trotzdem, s´geht ma net ins Hirn,

is koana auf mi schoarf.

Wird mir da Herrgott des vagebn,

waun i mi so benimm?

„I hob schon Angst, daß i desswegn

nia net in Himmel kimm!“

 

Da Pfoarra schauts mitleidig an

und moant,“mein liabes Kind,

bei dir is ois nur Einbildung,

bei dir is des ka Sünd.“

 

Willi Fiala