Eigentlich

Eigentlich bin i mit mir per du,
i red und red, owa i hör mir net zu.
Ima san meine Gedaunkn irgendwo,
sie san überoll, owa nur net do.
Do kaun es jo scho amoi vur kuma,
das i mi hör mit mir urntlich bruma.
Eigentlich bin i sunst gaunz guat zu mir,
i kum mir scho hoch gradig terisch vir.
Na, es is jo wirklich net zum Verstehn,
wia kaun i nur so bös an mir vorüber gehn.
Dabei kaun i mi sunst gaunz guat leidn,
es eskaliert ois, i los mi va mir scheidn.
Maunchmoi bin i scha so zurnig auf mi,
ich raste aus, i bin rasend und wie.
I bin daun sogor no, per sie mit mir,
vor meina Nosn hau i sie zua, die Tir.
Net amoi im Spiagl kaun i mi segn,
ois ana hormlosn Geschichte wegn.
I schau in Spiagl und hob mi so erschreckt,
i hob mi im Zima zwamoi entdeckt.
Und do soll i net extrem narisch wern,
glaubts ihr so an Menschn hob i no gern.
Der mi so furchtbor schrecklich schreckn kau, 
den schau i net amoi mehr im Spiagl au.
Jetzt bin i mit mir, laung wieda per sie,
i bin scha wieda, sowos von haas auf mi.

 © Margit Kvarda