Margit Kvarda
Mei Maun is auf Kur
Mein Mann is auf Kur,
gaunz ruich kumts ma vur.
Ka meckern, ka Streit,
mein Mann is sehr weit.
Bei Linz is er gor,
gaunz ruich kumts ma vor.
Mei Maun is a braver Maun,
der wirklich olles kaun.
Er kaun kochen, nahn und Radl picken,
wenn i ihms zag kaun er sogor stricken.
Doch leider er ist nicht gegenwärtig,
owa i wir scho mit meiner Orbeit fertig.
Er is jo bei Linz auf Kur;
gaunz ruich kumts ma vur.
Do sigst erst wia guat du`s host,
wennst da vom Maun wos lernen loßt.
Wie stangat i jetzt do,
mir gangat echt mei Manderl o.
Hätt i net olles glernt von ihm,
i wa zwunga, das i ma an Putzmau nimm.
Bei mir is jetzt olles aunders, er is jo auf Kur,
auf amol kumts mir gaunz ruich vur.
Aber nur keine Bange,
des bisserl Orbeit schoff i scho lange.
Wos hot denn a Hausfrau schon zu tun,
derweil er orbeit kaun sie ruhn.
Die Wäsch woscht sich von gaunz alla,
den Staub frißt mein Sauger a.
Bügeln, putzen, Kinder kriagn und kochn,
muaß da Frau doch Freude mochn.
An Zipp auswechseln, des kaun i jetzt a,
wos glaubts wia i trenn, ratter und nah.
Wenn‘s er mir net glernt hätt, mei Gott bin i froh,
mir gangat jetzt wirklich mei Manderl o.
Die Kinder hom Ferien, die san bei mir,
der Wichtigste föd, owa der is nicht hier.
Wissens, mei Maun is auf Kur,
gaunz ruich kumts ma vur.
Oft sogt er, wos mochts ihr waun i net wa?
Do sog i erm ehrlich, es wär ein Anderer da.
Des hör i holt täglich, auf amol is aus,
in drei Wochen kumt s Manderl z Haus.
Do is aus mit der heiligen Ruah,
do stopf i ma wieder, die Ohrn mit Watte zua.
I wass net hob is scho gsogt, mei Maun is auf Kur.
Mir geht ollweil wos o, gaunz ruhig kumts ma vur.
© M.K.
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 05.09.2005.
- Infos zum Urheberrecht / Haftungsausschluss (Disclaimer).