Margit Kvarda
Oh Muatterl, liabs Muatterl
Oh Muatterl , liab´s Muatterl, i hob di so gern,
dei Spruch wor, mein Kind soll wos besseres werd´n.
Recht schwer host du´s g´hobt, mit mir auf der Wöd,
a Kind host dir gwunschen, zu deim Glück hot´s dir gföd.
Dos Glück wor dei Kindl, dei Kindl bin i,
mei Glück bist du Muatterl, allane für mi.
Oh Muatterl, mei Muatterl i hob di so gern,
den Spruch den du gsogt host, den kaun i no hörn.
Drum sog i vergöts Gott, für olls wos du g´mocht,
des Lem bei dir Muatterl, wor für mi a Procht.
Die Freid die du gschenkt host, i geb sie zurück,
dei Kindl wor olles, dei Leb´n, dei Glück.
Oh Muatterl, liab´s Muatterl, i hob di so gern,
i komm heut zu dir, bring vom Himmel die Stern.
Die du dir verdient host, für d´ Sorg und für d´ Müh,
du host ghobt im Lebn für olles a Gfüh.
daun denk dir liab´s Muatterl, es hot net sein soll´n.
Oh Muatterl, mein Muatterl, i hob di so gern,
bleib immer nur bei mir, sonst miaßat i rean.
Denn ohne di leben, des war für mi schwer,
drum sog i dir Muatterl, i gib di net her.
Bleib bei mir liab´s Muatterl und bleib mir gesund,
i bin holt a Ich-Mensch, du waßt jo den Grund.
Oh Muatterl, liab´s Muatterl, i hob di so gern,
für mi kentast Muatterl, du hundert Johr wern.
(C) M.K.
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.05.2006.
- Infos zum Urheberrecht / Haftungsausschluss (Disclaimer).
drei.at (Spam-Schutz - Bitte eMail-Adresse per Hand eintippen!)