Andrea Mordasini
Mi Aare z'Bärn im Summer
D’Aare isch nid nur ä Fluss,
sondern ganz klar puure Gnuss!
Üsi Aare isch dr Hit,
bi u froh, dass es se git!
Dr Bärner Summer isch ä Wucht,
u z’Aareschwümme wird zur Sucht
Um sone chüehlen Aareschwumm
chunt ke ächte Bärner drum!
Öb Maa oder Frou, gross oder chly,
für jede u jedi heissts itz: dry!
Öb dick oder dünn, jung oder aut,
d’Aare laht ke Bärner chaut!
Än Aareschwumm isch nid nur xung,
nei, är hautet ou no jung!
Nume dri u sich la triibe,
wett am liebschte drinne bliibe!
Sone Schwumm tuet mega guet,
eifach ine, s’bruucht chly Muet!
Einisch drin geits von allei,
vor luter Fröid wet i nüm hei!
Im Wasser schöpf i wieder Chraft,
d’Aare isch mi Läbenssaft!
Öb sunnig, heiss oder drückend schwüehu
än Aareschwumm isch z’höchschte Gfüehu!
Am beschte geit das nachem Bügu,
denn hani z’Gfüeuh, i heigi Flügu!
Ir Aare tueni richtig schwäbe
u schauten ab vom Autagsläbe.
D’Aare isch Erholig puur,
besser aus ä Höhekuur!
Vorheriger TitelNächster Titel Die Rechte und die Verantwortlichkeit für diesen Beitrag liegen beim Autor (Andrea Mordasini).
Der Beitrag wurde von Andrea Mordasini auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 18.07.2006.
- Infos zum Urheberrecht / Haftungsausschluss (Disclaimer).
gmx.ch (Spam-Schutz - Bitte eMail-Adresse per Hand eintippen!)