Weihnachtsqualen

A siassa würziga Duft liegt in da Luft,
erfuid des ganze Haus.
I glab das´d Muatta Platzal bacht,
für Weihnachtn,denn so is Brauch.
Jetzt konn i nimma wiedasteh,
zu ihr in´d Kuchl muass i geh.
Do seg i scho, wias werglt und wias schwitzt,
ihr G´sichtal is scho ganz dahitzt.
Wias mi segt do lacht´s und sogt,
a poor Sortn Guatl hob i scho g´macht,
Lebkucha,Spitzbuam und Zimtstern.
De derfan aba no net gessn wern,
du woasst dass de fürs Christfest kern.
Und dasst net in Versuchung gimmst,
mit dera Leckerei,
sperr i´s in´s kastl ei!