Margit Kvarda
Prosit neichs Johr
Meine liabn Freind im Forum de,
das mir olle lustig san, wiß ma eh.
Der ane schreibt des, da aundare dos,
moi lustig, moi traurig, imma wird’s wos.
I bitt eich Freinde, herts net auf zum Schreim,
mir hom olle, unsern eigenen Reim.
Eich zu lesn, des gibt ma wirklich vü,
hobts ihr den sölbn Wunsch, des is mei Zü.
Im neichn Johr do gehn mas richtig au,
do zagt a jeda ois, wos er nur kau.
Ob lustig, traurig, oda erotisch,
üba sich söwa lochn, holt an frisch.
Des neiche Johr, des hot heit augfaungan,
des Olde, is ma so schnö vagaungan.
Es hot guade, wir schlechte Sochn brocht,
i wünsch, dass Neiche uns zufriedn mocht.
A grantiga Mensch, der is gor nix wert,
wäu der sich nur, im Kölla lochn hert.
Seits lustig Leitln, des Lem is so kurz,
hobts an Grantscherm nem eich,
schenkts erm an Furz.
© M.K.
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.01.2007.
- Infos zum Urheberrecht / Haftungsausschluss (Disclaimer).