Margit Kvarda
Den Termin vergessn
Olle Johr moch i mein Gesundheitsjeck,
wer des net mocht is vielleicht schnölla weg.
I holt meine Termine sehr streng ei,
i mecht jo net gor so schnö gstorbn sei.
Telefonate weng de Termine,
braucht ois sei Ordnung liebe Sabine.
Ohne Kuli, hob jo kan mit gnuma,
hob nima gwußt, waun soll i jetzt kuma.
I hob no amoi aunruafn miassn,
waun muass i kuma, i hobs vagessn.
Sie wern denkn de hot an klan Huscha,
na sog i, i hob an großn Boscha.
I hob ma jo kan Kuli mit gnauman,
olls wos i ma gmerkt hob, wor mei Nauman.
Blutabnahme wengan Tumormarkerl,
an Harn brauchns a, e nur a Lackerl.
Daun wird moi geröngt die gaunze Lungan,
die oldn Büda hob i mit brungan.
Auf mein Bauch wird da Ultraschall gemocht,
do hob i a, olde Büda mit brocht.
Die Mammographie kumt ols nächsta draun,
da Gyn Orzt schaut mi a no genau aun.
Daun bin i fertig für die Kontrolle,
so in vierzen Tog wor i bei olle.
© M.K.
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.11.2007.
- Infos zum Urheberrecht / Haftungsausschluss (Disclaimer).
drei.at (Spam-Schutz - Bitte eMail-Adresse per Hand eintippen!)