De Meätes ( Der Martin )

 
De Meätes wor en  netten, kli’enen  Jongen, vier Joar wor he ault un he har arg völl Undöniges im Senn. En däm gruoten Huus kuon ma sech jo uoch su nette Saaken uutdenken…
I’enes Dags, em  Suomer, passi’erden et!
Wat he nu alt wi’er gamagkt har, wi’et  ech nit mi’eh. De Muoder schangden un do gof et uoch noch get op den Hingerschden; de Jong bröllden  un et woar en groat Spektakel.
Do sait de Meätes: „Hie es et garnit mi’e schön, ech gonn noh de Omma Else.“
Et wor em anste dröm un de Muoder sait: “Gangk doch, äwwer denk draan, et es en langen,
langen Weg.“
Un so nohm he sech en dä Kamer sing kli’en Köfferken, packden dat Neitskittelschen un de blouen  Schlüffkes in, un uoch jet te eeten - do log jo grad noch en Knusten Bruot op dem Desch.
Ohne lang te prackesieren, makden sech de kli’ene Bönsel op den Weg, -
Am Fenster stong de Muoder henger de Gardine, se wuol ens kieken, wat nu passierden
met däm Jöngken.
Do tippelden he op dem Weg im Gaaren töschen all dän bunkden Bluomen, schleppden dat Gepöngels met sech, un grad wie he aan däm Törken aangekuomen wor, bli’ef he ston.-
Et duoden en Tied lang, do dreiden he sech öm - un dann kom he retour.
Nu stong he för sing liewen Muoder, trock er aan däm Schottelduok un said:
„De Omma es nit te hiemen!“ 
 
 
Ursula Bleitner (U) 2009      

• Autorensteckbrief (Infos & weitere Beiträge)
• ursulableitnerymail.com (Spam-Schutz - Bitte eMail-Adresse per Hand eintippen!)

  Ursula Bleitner als Lieblingsautorin markieren

Diesen Beitrag empfehlen:

Mit eigenem Mail-Programm empfehlen