Ide Schuel-Pause send armi Chend emmer gengget worde ond am Nochmittag send fascht alli Chend
im Sommer zo de Freibadi gange. Wommer bim go- go Laufe teig send worde,de send mer alle eifach im Bahnhof omeghocked.
Dete händ die cheibe Tschengge psoffe sech met Mässer glöcheret, später send die gliiche Itäliänertschengge besseri Schwiizer worde als mer sälber.
Die Riiche send am Strand bim Schwemmklopp gsi, ond mer Armi send im Freibad gsi.
Nochhär send mer zom Schwemmklopp öberegschwomme, wägem Itrettspris, wo mer halt ned händ chönne zahle.
Dete änd mer üs gwonderet, das alle Riiche dete gwösst hnänd, dass mer ned dezue-ghörid.
Wo ech e` riiche Bueb gfroggt ha, worom alli wössid, das mer ned dezueghörid, de hed dä gseid, dass üsi
Badhösli os Schof-Wolle vo alte Socke gschtreckt send, das mer öberall lähri Joghurtbächer suechid und `s alte Papier
vo de Corne-Glasse abschläckt händ.... Ond öisi Zähn seget chromm ond kariös.
Nochär send mer alli zom Rangierbahnof näbe de Baadi gange, zo der roschtige Güeterwage.
Die send glüehend heiss gsi vo de Sonne, mängisch hämmer e` Banane vom Bananetransport gfonde und gässe.
E`alte Maa esch det hie und da omegschtande, blott, ond das hed alli Chend verschreckt..
Ech ha dä Grüüsel scho vo früher könnt ond han em sofort eis ine-gengget, ...ech sägs jetzt ned wohe, ond ech be de nochhär au devoo-grennt...
***
c/G.E..
Vorheriger TitelNächster Titel"Gengge": Mit den Füssen den Gegner ans Schienbein schlagenGeorges Ettlin, Anmerkung zur Geschichte
Die Rechte und die Verantwortlichkeit für diesen Beitrag liegen beim Autor (Georges Ettlin).
Der Beitrag wurde von Georges Ettlin auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 11.06.2021.
- Infos zum Urheberrecht / Haftungsausschluss (Disclaimer).
Georges Ettlin als Lieblingsautor markieren
Alles - Nichts ist für immer
von Georges Ettlin
Mein Buch beschäftigt sich mit Romantik, Erotik, gedanklichen und metrischen Experimenten, Lebenskunst, Vergänglichkeit und versteckter Satire .
Die Gedichte sind nicht autobiographisch, tragen aber Spuren von mir, wie ein herber Männerduft, der heimlich durch die Zeilen steigt.
Möchtest Du Dein eigenes Buch hier vorstellen?
Weitere Infos!
Vorheriger Titel Nächster Titel
Hat Dir dieser Beitrag gefallen?
Dann schau Dir doch mal diese Vorschläge an:
Diesen Beitrag empfehlen: