De niede Breefkasten

Güstern heff ik mi mit mien Iesenwornhöker vertöörnt. He hett mi eenfach rutsmeeten, un dat keem so:
Vör veer Weeken heff ik mi een nieden Breefkasten bi em köfft. Gebruuksanwiesung weer bin, und so heff ik em uk forts anbuut. Schön grood, so dat de Postboot em uk good seen kann, schön de Schaniere ölt und uk düütli mien Nohm op een Zettel schreven und ordendli dor anbackt.
Dat Ding hett mien Huusdöör to een richtig schnookschen Palastingang mookt.
Toerst weern uk al tofreeden. De Postboot kunn sogar de Zeitung dorin loswarn, de sonst in denn oolen ni ringohn weer. Ik freu mi jümmers wenn ik noh Huus koomen bün, dat he so schmuck an de Wand bummel und mien Besök much em uk lieden. Wat schull dor nu so schlecht an ween, dat ik door nu uk noch een lütt Geschichte vun mookt?
Na, Arger geev dat doch, und güstern weer mi dat toveel worn, door heff ik em wedder afbuut und to mien Isenwornhöker torüch brocht. De kunn dat op´t erste ni begriepen. Ik muss em dat ganz genau verklooren wat mit sien Breefkasten los weer. „Tscha“, säh ik, „kiek mol ik heff alles doon wat in de Gebruuksanwiesung stohn hett, uk de Postboot weer tofreeden, aver in de vergangenen veer Weeken sünd bloss Zeitungen und Rekens koomen und Werbeprospekten. Aver, ik heff mi keen nieden Breefkasten köfft um Rekens to kriegen, ik wull Leevesbreefe hem, und dorvun is keen een koomen in veer Weeken keen een. Wenn nu man in de de Tied een Leevesbreef ankoomen weer, denn harn sik de 65 Mark je lohnt, denn har ik em je wedder rut hat, aver so? Hier hest dien Breefkasten wedder, ik will mien Geld wedder hem.“
Dat Gesicht vun denn Verköper gung vun Sünnschien op Gewitter, und denn bölk he mi an, ik schull man gau mol sehn wat ik ut sien Loden rutkeem sonst wöör he annere Sieden optrecken.
Na, ik bün denn leever mit mien Breefkasten wedder rut. Kann je mol wedder hingohn wenn dat beetere Luft is.
Und nu sitt ik mit mien Breefkasten to Huus und bün ant överleggen watt ik verkeehrt mokt hefft. Kanst Du mi dat verklooren?

• Autorensteckbrief (Infos & weitere Beiträge)
• manfred.beyerplattland.de (Spam-Schutz - Bitte eMail-Adresse per Hand eintippen!)
• http://plattland.de

  Manfred Beyer als Lieblingsautorin markieren

Diesen Beitrag empfehlen:

Mit eigenem Mail-Programm empfehlen