Irene Rabenbauer
🌲🌲🌲 Im Woid spaziern 🌲🌲
🌲🌲🌲 Im Woid spaziern 🌲🌲🌲
Mei Bobby und i laffa im Woid so gern,
scho kurz vorm Woid hört ma an Straßnlärm nur no vo fern.
Af da Wiesn die Grilln zirpn um die Wett
De Egart stenga grea und fett.
Nur no a Stückerl, na samma drin im finstern Tann
Wia vo Zauberhand ziagt a uns in sein Bann.
Ois is so unwirkle, des mechst ned glaum
Fast kannt ma sich fuin wia in am Traum.
Glei schmegg i vo am frisch gschlangna Holz an zartn Duft
Mei, wia i di liab, de Woidsche Luft!
Duich‘d Baumwipfl schlänglt sich flirrend a Sunnastrahl
Und spieglt sich im Bacherl wia a kloana Kristall.
‚s Bacherl vozaubert duich sei staades pritschln
Am End wird’s in am groußn Gwässer gipfln.
Wia Perln tröpfeyts Wosser zwischn de Stoana duich
Ois is do im Forst so friedle und ruich.
Weida obm am Bacherl spuit a Händ voi Kinna
Do kinnas schnackerlfidey an Namidog vobringa.
Duich‘n Woid heard ma laud eara lachn
Do derfans umanand deifeln und se a dreggad machn.
Des Totholz sollt ma ned oafach so zur Seitn ramma
Vui Insektn und Schwammerln lebn in dena abgstorbne Baama.
Voweiln ko ma af am gmiatlichen Hoizbankerl
Essn un dringa dea ma do gern a guads boarischs Schmankerl.
A Kunst im Woid findst beim Strawanzen a, so ebs hod gwies no ned a jeda dalebt
A Eidechsn aus Scherm hod do fei oafach oana af an Stoa auffe klebt!
A Fichtnzapfn foid staad vom Baam
Scho boid wachsn neie Fichtn aus seim Samn.
Wurscht is, ob da Baam is groaß oda kloa
Mei Hundal hebt owei an jedm sei Boa.
Da Bobby hod so fui zum Lesn, des is es scheenste in seim Hundelebn
Fia den isses de graißte Freid, mit mia im Woid spaziern zum gehn.
Guad und gsund a mei Gschtey se boid fuit
Do dro is alloa de sauberne Woidluft schuid.
Da Gschmo vo feichtm Moos liagt no dazua in da Luft
Des vaströmt imma an ganz an bsondern Duft.
Koa Laid kreizn unsan Wech, ois Gfrett is ma grad oanalei
Im Woid, do kunnst duaschnaufa und schnackisch sei.
Affaramoi wird’s finsta, wo is scheed de Zeit hikemma
Etzat meima gschwind hoam, owa boid werma wiedakemma!
--------------------------------------------
Für Nichtbayern nachfolgend die deutsche Übersetzung 😉 😅 😇:
🌲🌲🌲 Waldspaziergang 🌲🌲🌲
Mein Bobby und ich gehen im Wald spazieren sehr gern
Schon kurz vor‘m Wald hört man den Straßenlärm nur noch von fern.
Auf der Wiese zirpen die Grillen um die Wett‘
Und die Gräser stehen saftig grün und fett.
Nur noch ein Stück, dann sind wir drin im finsteren Tann
Wie von Zauberhand zieht er uns in seinen Bann.
Alles ist so unwirklich, man glaubt es kaum
Fast könnte man sich fühlen wie in einem Traum.
Frisch geschlagenes Holz verströmt zarten Duft
Oh, wie ich sie liebe, diese wäldische Luft.
Durch die Baumwipfel schlängelt sich flirrend ein Sonnenstrahl
Und spiegelt sich im Bächlein wie ein kleiner Kristall.
Das Bacherl verzaubert durch sein ruhiges Pritscheln
Am Ende wird es irgendwo in ein großes Gewässer gipeln.
Wie Perlen tröpfelt das Wasser zwischen den Steinen hindurch
Alles scheint hier im Forst so friedlich und ruhig.
Oben am Bach spielen ein paar Mädels und Buben
Da können sie fröhlich sein und hocken nicht immer in den Stuben.
Laut schallt durch den Wald ihr Lachen
Hier dürfen sie nach Herzenslust toben und sich dreckig machen.
Das Totholz sollte man nicht einfach so zur Seite räumen
Viele Insekten und Pilze leben in den abgestorbenen Bäumen.
Verweilen kann man auf einem gemütlichen Holzbankerl
Genießen kann man hier sein mitgebrachtes bayerisches Schmankerl.
Auch „Kunst im Wald“ hat so mancher schon beim Umherstreifen gefunden
Mit einer Eidechse aus Scherben wollt‘ hier jemand sein Können bekunden.
Von einem Baum fällt fast lautlos ein Fichtenzapfen
Aus seinem Samen wird bald schon eine junge Fichte wachsen.
Mein Hundchen hebt an jedem Baum gerne sein Bein
Ihm ist’s ganz egal, ob das Gewächs ist groß oder klein.
„Bäume Lesen“ ist für Bobby das ist das Schönste in seinem Leben
Für ihn ist es die größte Freude, mit mir im Wald spazieren zu gehen.
Auch ich fühl‘ mich hier pudelwohl und gesund
Die saubere Waldluft ist dafür der Grund.
Der Geruch von feuchtem Moos liegt in der Luft
Und verströmt seinen ganz besonderen Duft.
Niemand kreuzt unseren Weg, aller Ärger ist mir hier einerlei
Hier kann ich durchatmen und fröhlich sein.
Plötzlich wird’s dunkel, viel zu schnell verging die Zeit
Wir müssen nach Hause, doch auf unsere nächste Tour wird sich heut schon gefreut.
© 2023 Text und Fotocollage: Irene Rabenbauer
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Irene Rabenbauer).
Der Beitrag wurde von Irene Rabenbauer auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 04.07.2023.
- Infos zum Urheberrecht / Haftungsausschluss (Disclaimer).