Im vorigen Lem

Im vorigen Lem wor i a aundas Vieh,
i hob jo sunst nix ghobt ols wia nur mi.
i glaub, i wor amoi a Brünschlaunga,
bin ma söwa auf die Nervn gaunga.

Ständig hob i de Brün owa nehma wolln,
i hätt jo mit da Brün vü bessa seng solln.
Schau amoi aussa ausn Wossateichl,
und siach im Spiagl a Blindschlaichl.

Im Winter wor i a Klopperschlaungan,
da Lärm is ma so auf die Nervn gaungan.
Boid hob i wieda wos zum Haban kriagt,
da Tisch wor gedeckt, dasa si vabiagt.

I bin gschwuma in Reichtum wia am Boch,
so wia dNohrung immer dem Ausgaung noch.
I hob mi gesuhlt und wor sovü sott,
vasteh tuats nur der, der nix zfressn hot.

I hob mi scho ols Riesnschlaungan gfüht,
der wos kana jemois ihr Fressn stüht.
Hallo, wos bin i für a großer Surm,
i wor im vorign Lem a Bandlwurm,

© M.K.