Paul Rudolf Uhl
Christbaum???
Hoffntli bleib i so kloa
und so schiaf, wia i bin:
a windige Kraxn, greislig und krumm
dass mi ned amoi d´Hasn oschaugn
oda d´Reh ofressn meng.
Hoffntli bleib i so kloa...
Dass koana auf de Idee kimmt,
mi ois Christbaam z`schneidn,
mi voi Lametta z´hänga und voi Kerzn
und dazua scheinheilige Liada z´singa...
Aba schee waars scho:
amoi in da warma Stubn z`leichtn,
unta mia a Haufn Gschenka
und de großn Kinda - Augn,
wo si meine Lichta drin spiagln...
Aba naa, liaba doch ned:
i woaß ja, daß´s mi
dann hintre schmeissn auf Dreikini -
da wui i liaba kloa bleim
und greisli – und lebm...
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 14.12.2008.
- Infos zum Urheberrecht / Haftungsausschluss (Disclaimer).